Os yw ffurflen flynyddol eich elusen yn hwyr, bydd rhaid i chi ei chwblhau cyn y gallwn ymateb i unrhyw ymholiadau neu geisiadau eraill.
Cawn geisiadau cyson am wybodaeth sydd heb ei chynnwys o fewn ein cylch gwaith a'n maes arbenigedd, neu y gellir ei chael hyd iddi ar ein gwefan. Os hoffech gysylltu â ni am un o'r materion canlynol, dilynwch y canllawiau a'r ddolen gysylltiedig:
Mae'r Comisiwn Elusennau yn cofrestru elusennau sy'n bod. Ni allwn ddweud wrthych ai dechrau elusen newydd yw'r peth iawn i'w wneud neu eich cynghori a yw'ch sefydliad neu'ch prosiect yn gallu cael ei chofrestru hyd nes eich bod yn cyflwyno cais ffurfiol.
Mae gwybodaeth ddefnyddiol gan GOV.UK ar ddechrau elusen:
Darllenwch ein canllawiau cyffredinol ar ddechrau elusen a'n canllawiau penodol ar gofrestru elusen.
I weld ein holl wybodaeth ar Sefydliadau Corfforedig Elusennol:
Os hoffech gael hyd i elusen arbennig, defnyddiwch ein hofferyn chwilio manwl:
Mae'r ffurflen flynyddol ar-lein yn unig; nid oes dewis papur arall. Cewch wybod beth y mae angen i chi ei wneud a phryd yn ein canllawiau a thiwtorialau ar ffurflenni blynyddol. Ni allwn roi estyniad i ddyddiadau cau ffeilio o dan unrhyw amgylchiadau.
Os oes rhaid i chi anfon cyfrifon atom, dylent fod mewn fformat PDF a'u lanlwytho drwy ddefnyddio ein gwasanaethau ar-lein. Gweler:
Defnyddiwch ein gwasanaethau ar-lein i newid manylion gohebydd eich elusen, cofnodi newid i'r ymddiriedolwyr neu i ddiwedd blwyddyn ariannol. Ni fyddwn yn gwneud hyn i chi â llaw (oni bai nad yw'ch cyfrinair ar gael mwyach ac ni ellir cysylltu â'ch gohebydd). Mae'n rhaid i chi ddefnyddio ein gwasanaeth ar-lein:
Rydych chi a'r ymddiriedolwyr eraill yn gyfrifol am ddarllen a deall dogfen lywodraethol eich elusen. Os yw sefydliad arall (megis corff mantell) wedi drafftio eich dogfen lywodraethol, gofynnwch iddynt am gyngor. Os yw'ch dogfen lywodraethol yn un o'n dogfennau enghreifftiol, darllenwch y canllaw ynghlwm.
I gael rhagor o arweiniad ar yr adrannau mwyaf cyffredin mewn dogfen lywodraethol, gweler:
Defnyddiwch ein ffurflen ar-lein i ddweud wrthym neu i gael ein hawdurdod ar gyfer newid i'ch dogfen lywodraethol.
Defnyddiwch hwn i benderfynu a oes angen ein hawdurdod ni arnoch neu beidio i wneud taliadau i ymddiriedolwr neu i berson cysylltiedig:
Defnyddiwch ein ffurflen ar-lein i roi gwybod i ni fod eich elusen wedi cau ac mae angen ei dileu o'r gofrestr elusennau:
I gael gwybod beth arall y gallwch ei wneud ar-lein:
Cyn cwyno wrth y Comisiwn Elusennau, dylech ddarllen canllawiau GOV.UK. Mae'n esbonio’r math o gwynion y gallwn ac ni allwn eu hystyried:
Os ydych am wneud cwyn am y ffordd y mae elusen yn codi arian, i gychwyn dylech godi eich pryderon gyda'r ymddiriedolwyr elusen. Mae'n rhaid iddynt wybod bod y cyhoedd yn pryderu am y dull codi arian y maent wedi'i ddewis. Ni allwn ystyried cwynion am ddulliau codi arian elusen os yw'r ymddiriedolwyr elusen yn gweithredu o fewn y gyfraith a darpariaethau dogfen lywodraethol eu helusen. Os ydych yn meddwl bod elusen yn codi arian mewn ffordd gyfreithiol ond amhriodol, mae canllawiau GOV.UK yn esbonio’r hyn i'w wneud:
Os ydych i elusen roi'r gorau i'ch ffonio chi a gwneud galwadau marchnata digymell dylech gofrestru gyda'r Gwasanaeth Dewis Galwadau Ffôn.
Os ydych yn pryderu bod perygl o niwed difrifol i elusen, ei hasedau neu i'r bobl y cafodd ei sefydlu i gynnig budd iddynt, dylech ddweud wrthym am y broblem. Bydd rhaid i chi roi unrhyw dystiolaeth sydd gennych.
Gallwn ddarparu copi o'r gofrestr elusennau lawn ar ffurf electronig. Fodd bynnag, mae'n amodol ar hawlfraint cronfa ddata'r Gorom a byddwn yn ei darparu dim ond os ydym yn hapus bod rhai amodau wedi cael eu bodloni. Darllenwch ein polisi hawlfraint - dylech gysylltu â ni dim ond os ydych yn teimlo y gallwch fodloni'r amodau ar gyfer darparu'r wybodaeth hon:
Gall ymddiriedolwyr ddefnyddio ein gwasanaethau ar-lein i weld ac argraffu tystysgrif elusen:
Mae pob mater cysylltiedig â threth sy'n ymwneud ag elusennau yn cael ei drin gan HMRC:
Ni all y Comisiwn Elusennau ddelio ag ymholiadau sy'n ymwneud â gwiriadau'r Swyddfa Cofnodion Troseddol. Cysylltwch â'r Swyddfa Cofnodion Troseddol:
Nid yw'r Comisiwn Elusennau yn rhoi cyllid i elusennau. Fodd bynnag, gall fod rhai elusennau sy'n gallu eich helpu chi. Gallwch chwilio'r gofrestr elusennau i gael hyd i elusennau sy'n darparu cyllid i sefydliadau neu unigolion. Defnyddiwch y cwymplenni yn 'Dosbarthiad' i gulhau eich chwiliad.
Ar yr amod nad yw'ch ymholiad wedi'i gynnwys o fewn un o'r categorïau hyn, gallwch gysylltu â ni:
© 2012 Hawlfraint y Goron Hysbysiad Hawlfraint | Ymwadiad a Datganiad Preifatrwydd | Cwis