Y Comisiynwyr a'r Cyfarwyddwyr Gweithredol

Ymunodd Y Fonesig Suzi Leather â'r Comisiwn Elusennau fel y Cadeirydd yn Awst 2006.

Mae gan Suzi berthynas hir â'r trydydd sector a dechreuodd drwy wirfoddoli dros 20 mlynedd yn ôl gydag Age Concern. Mae wedi treulio y rhan fwyaf o'i gyrfa yn y mudiad defnyddwyr, gan weithio ar lefel ranbarthol, genedlaethol ac Ewropeaidd, ond bu ei hymrwymiad i'r trydydd sector bob amser yn amlwg drwy ei gwaith gwirfoddol a phrosiectau cymunedol.

Mae profiad proffesiynol eang gan Suzi. Yn fwyaf diweddar roedd yn Gadeirydd yr Awdurdod Ffrwythloni Ddynol ac Embryoleg a'r Ymddiriedolaeth Bwyd Ysgol. Cyn hynny roedd Suzi yn gadeirydd Ymddiriedolaeth GIG Gymunedol Exeter yn ogystal â'r Fforwm Iechyd, sy'n ceisio hybu'r agenda iechyd cyhoeddus yn yr ardal leol. Hi oedd Dirprwy Gadeirydd cyntaf yr Asiantaeth Safonau Bwyd a bu'n aelod o Ymchwiliad y Gymdeithas Frenhinol i Glefydau Heintus Da Byw. Yn rhestr Anrhydeddau'r Flwyddyn Newydd 2006 fe'i gwnaethpwyd yn Fonesig Ymerodraeth Prydain.

Mae cefndir academaidd Suzi ym maes gwleidyddiaeth, gwaith cymdeithasol a phrawf. Mae ei diddordebau arbennig yn cynnwys polisi bwyd, maeth a thlodi, anghenion defnyddwyr incwm isel ac effaith polisïau Ewrop ar ddefnyddwyr y DU. Mae'n gadeirydd Cyngor Cynghorwyr Polisi Bwyd DEFRA.

Ymunodd John Wood â'r Comisiwn ar 1 Chwefror 2008 ac mae'n un o ddau Aelod o'r Comisiwn sydd â chymhwyster cyfreithiol. Mae John yn ymgynghorydd gyda Herbert Smith LLP.

Roedd yn bartner gyda'r cwmni am 25 o flynyddoedd ac yn bennaeth ei bractis Ymddiriedolaeth ac Elusennau.

Mae'n aelod o Gymdeithas y Gyfraith Elusennau a Chymdeithas yr Ymarferwyr Ymddiriedolaeth ac Ystadau (STEP). Mae'n sylfaenydd ac yn aelod pwyllgor Cymdeithas Ymddiriedolaeth Gynhennus ac Arbenigwyr Prawf (ACTAPS).

Mae hefyd yn aelod gweithredol o Bwyllgor y Gyfraith Ymddiriedolaeth ac yn gyfryngwr cymwysedig CEDR.

Bu Christopher Daws yn aelod annibynnol o'r pwyllgor archwilio ers Awst 2009.

Tan 2007, roedd Christopher yn ysgrifennydd ariannol ac yn ddirprwy ysgrifennydd Comisiynwyr Eglwysig Lloegr. Bu'n drysorydd prif eglwys blwyf. Mae'n ymddiriedolwr Gweithredu dros Blant ac yn gadeirydd Cronfa Bensiwn Gweithredu dros Blant. Mae'n aelod o bwyllgor rheoli Grŵp Buddsoddwyr Elusennau. Mae hefyd yn aelod o'r Bwrdd Safonau Actiwaraidd, corff gweithredol y Cyngor Adrodd Ariannol.

Mae Christopher yn gyfrifydd siartredig ac yn aelod o Sefydliad Siartredig Trethi a Chymdeithas y Trysoryddion Corfforaethol.

Ymunodd Andrew Hind, cyn brif swyddog gweithredol y BBC World Service, â'r Comisiwn Elusennau fel ei brif weithredwr cyntaf yn 2004.

Mae gan Andrew brofiad helaeth o weithio gyda'r sector elusennol. Roedd yn uwch swyddog gweithredol gydag ActionAid (1986-1991) a Barnardo's (1992-1995) cyn symud i'r BBC yn 1995. Mae Andrew hefyd wedi gwasanaethu fel ymddiriedolwr sawl prif elusen, gan gynnwys VSO, Pwyllgor y DU UNICEF, Cronfa Goffa Diana, Tywysoges Cymru a nifer o elusennau llai yn ei gymuned leol yng Ngogledd Llundain.

Yn 1988 roedd Andrew yn gyd-sylfaenydd Grŵp Cyfarwyddwyr Cyllid Elusennau - sefydliad sy'n hybu rhagoriaeth ym maes rheolaeth ariannol elusennau. Roedd yn Gadeirydd y Grŵp o 1992-1994. Fe yw awdur 'The Governance and Management of Charities', ac mae'n gyn feirniad y Gwobrau Elusennau Cenedlaethol. Enillodd y Wobr Llwyddiant Arbennig am ymrwymiad a gwasanaeth hir i'r sector gwirfoddol yng Ngwobrau Elusennau 2008.

Mae Rosie Chapman yn Gyfarwyddwr Gweithredol Polisi ac Effeithiolrwydd yn y Comisiwn Elusennau, ac yn gyfrifol am arwain datblygiadau polisi'r Comisiwn, ei effeithiolrwydd elusennau a gwaith partneriaeth, cynllunio strategol a gweithgareddau materion corfforaethol.

Cyn ymuno â'r Comisiwn yn 2001, treuliodd Rosie chwe blynedd yn y Gorfforaeth Dai mewn amryw o rolau, yn olaf fel Cyfarwyddwr Cynorthwyol (Polisi Rheoleiddio). Yn y gorffennol mae wedi gweithio i Gymdeithas Dai New Islington & Hackney, gan weithredu fel ysgrifennydd cwmni i sawl sefydliad elusennol, ac mewn llywodraeth leol.

Mae Rosie yn Gymrawd Sefydliad yr Ysgrifenwyr a Gweinyddwyr Siartredig, Cymrawd Cymdeithas Frenhinol y Celfyddydau ac yn aelod bwrdd Homes for Haringey.

Kenneth Dibble yw'r Cyfarwyddwr Gweithredol, Cyfreithiol a Chydymffurfio. Mae Kenneth yn gyfrifol am ddarparu a rheoli gwasanaethau cyfreithiol y Comisiwn a'r swyddogaeth Cydymffurfio a Chymorth. Hefyd mae'n gyfrifol am wasanaethau cwsmeriaid y Comisiwn a'i Raglen Ryngwladol.

Mae gan Kenneth fwy nag ugain mlynedd o brofiad o'r gyfraith a rheoleiddio elusennau gyda'r Comisiwn. Roedd ei yrfa flaenorol ym myd bancio ac yswiriant.

Bargyfreithiwr yw Kenneth wrth ei alwedigaeth, ac mae hefyd yn Gymrawd Sefydliad Siartredig y Bancwyr.

Mae David Locke yn Gyfarwyddwr Gweithredol Gwasanaethau Elusennau, ac yn gyfrifol am ddarparu a rheoli gwasanaethau un i un y Comisiwn i elusennau, gan gynnwys y Comisiwn Elusennau Uniongyrchol, Cofrestru, Yr Is-adran Gwaith Achos Arbenigol ac Elusennau Mawr.

Ymunodd David a'r Comisiwn yn 2002 fel cyfreithiwr cyn symud i swydd Pennaeth Gwasanaethau Elusennau yn 2005 a'i swydd bresennol ym Medi 2007.

Mae David yn gyfreithiwr cymwysedig a chyn iddo weithio yn y Comisiwn, fe dreuliodd dros ddeng mlynedd yn gweithio mewn canolfannau cynghori yn rheoli'r gwasanaethau a ddarperir i'r cyhoedd.